استراتيجيات التسويق الفعالة في فيسبوك

فيسبوك لسه بيملك كتير من المميزات اللي قادرة تجذب الاهتمام لنشاطك التجاري،

وعشان تسوق صح في حاجات مهمة لازم تكون متوفرة عندك، زي مثلًا:

محتوى قوي ومتميز – تصميمات تخطف العين ومفهومة- إعلانات معمولة صح ورايحة لجمهورك المستهدف- استخدام التريندات بشكل يناسب طبيعة شغلك.

 

 استراتيجيات التسويق الفعالة في فيسبوك

1- خليك فاكر انه من المفضل دايمًا انه يكون عندك موقع الكتروني لإنه هيفيدك بشكل كبير في زيادة مبيعاتك سواء كان عملائك هيشتروا من منتجاتك عن طريقه أو يعرفوا أكتر عن خدماتك منه.

2- لو بتستخدم الإيميل في التسويق، هيكون من الأفضل إنك تسيب لينك للـ Page بتاعتك على الفيسبوك في التوقيع، ده هيزود من زوار الـPage  بتاعتك.

3- لو مكنش عندك  Pageعلى الفيسبوك وبقى عندك، إبعت إيميل لعملائك عرفهم بيها، ومن أفضل الأدوات اللي تقدر تستخدمها MailChimp و Aweber.

4- لو عندك متجر إلكتروني سوق لحسابات التواصل الاجتماعي بتاعتك عليه، دي واحدة من الطرق الفعالة جدًا.

5- اختار الوقت المناسب لبوستاتك، وده طبعًا تقدر تعرفه من خلال الـ Insights هتقدر تعرف متوسط الوقت اللي بيكون فيه متابعينك أونلاين، يعني مثلًا لو بتخطط إنك تنزل 3 بوستات، فإنت بتشوف أحسن الساعات اللي تنشر فيها بوستاتك وتحددها.

6- ممكن تكون مش عارف أهمية إعلانات الفيسبوك، بس خلينا نقولك إن الفوائد والمكسب اللي يجيلك من ورا الفيسبوك كتير جدًا خصوصًا لو لسه بيزنس صغير أو Start-up، بس طبعًا حسب إعلانك وجودته واستهدافك لعملائك، والاعلانات مبتكونش غالية زي مانت فاكر، وطبعًا النتايج والتحليلات والإحصاءات هتفيدك بشكل كبير.

 

إعلانات الفيسبوك مختلفة ومش كلها بتؤدي لنفس الهدف، وأنواعها هي:

1- إعلانات بتزود من اللايكات والتعليقات والمشاركات ومشاهدات الفيديو ودي اسمها Facebook Page Engagement
2- إعلانات بتزود من الإعجاب بصفحة فيس بوك نفسها ودي اسمها Facebook Page Likes

3- إعلانات لتشجيع العملاء على زيارة موقعك الالكتروني ودي اسمها Clicks to Website
4- إعلانات للترويج لإجراءات معينة على موقعك الالكتروني زي مثلًا إنه يشتري منتج معين ودي اسمها Website Conversions

5- إعلانات لتشجيع الأشخاص على تثبيت تطبيقك ودي اسمها App Installs
6- إعلانات عشان تزود من النشاط على تطبيقك ودي اسمها App Engagement

7- إعلانات للترويج للـ Events بتاعتك ودي اسمها Event Responses
8- إعلانات للعروض اللي انت عملتها ودي اسمها Offer Claims

 

انت تعرف كمان إن مقابل 5 دولارات في اليوم تقدر تعمل إعلان فيسبوك، وبفضل المميزات الرائعة وخيارات الاستهداف هتقدر توصل لعملائك المهتمين فعلًا بمنتجك، وفي أماكن محددة ونطاق عمري معين.

وعشان تحقق النجاح في استراتيجيات التسويق على فيسبوك، إتأكد من إن المحتوى يكون ممتاز وفعال، وإن الأهداف تكون واضحة وواقعية، وأكيد إختيارك للجمهور المناسب.

اعمل Research  كويس، صمم محتوي فعال ومبدع، استهدف صح

Author avatar
S&M Solutions

Post a comment

Your email address will not be published. Required fields are marked *

vertical-logo-washout