فيسبوك لسه بيملك كتير من المميزات اللي قادرة تجذب الاهتمام لنشاطك التجاري ومش موجودة على منصات تانية للسوشيال ميديا، في حاجات كتير مميزة تم اضافتها من وقت انضمام Facebook في البداية للمشهد التسويقي، النهاردة فيسبوك اكبر شبكة اجتماعية في العالم وبتديلك فرصصة انك توصل اكبر عدد من الناس في لحظات!

المميزات الجديدة بتضمن امكانية نشر فيديو بخاصية 360 درجة ، واستخدام فيسبوك بوت للإجابة عن الاستفسارات وبيع المنتجات بشكل مباشر ، وغيرها كتير.

الفيسبوك بيستخدمه أكتر من 1.56 مليار شخص في العالم، وده ما يقرب من 5 أضعاف عدد سكان الولايات المتحدة أو 20 ٪ من سكان العالم ولسة بيزيد! حاول تفكر ازاي ده ممكن ينتج عنه تاثير مجتمعي وتجاري يفيد البيزنس بتاعك أيًا كان اللي بتقدمه.

عشان تسوق لمنتجك او خدماتك صح، في حاجات مهمة لازم تكون متوفرة عندك، زي مثلًا: 

• محتوى قوي ومتميز 
• تصميمات تخطف العين ومفهومة
• إعلانات معمولة صح ورايحة لجمهورك المستهدف
• استخدام التريندات بشكل يناسب طبيعة شغلك عشان يجذب جمهورك اكتر

ليه لازم تستخدم الفيسبوك في التسويق لنشاطك التجاري سواء كان خدمة أو منتج؟

وده ببساطة لأن الفيسبوك بيستخدمه أكتر من 1.56 مليار شخص حول العالم، وبالإضافة أنه فيه مميزات كتيرة للتسويق والإعلان ومشاركة المحتوى، فعشان كده من المهم إنك تستخدمه في التسويق لمنتجك وشركتك عشان تحقق اهدافك.

إزاي استخدم الفيسبوك صح في التسويق لمنتجي؟

أولًا لازم تهتم بالتفاصيل دي على صفحتك على الفيسبوك وتركز فيهم ومن ضمنهم:

1. إن غلاف الصفحة وصورة البروفايل يكونوا مناسبين للصناعة اللي بتشتغل فيها ويكونوا جذابين وبتصميم كويس وده لأنهم أول حاجة بتظهر لما عميلك المحتمل يدخل صفحتك. اعتبرهم انطباعك الأول وحافظ على انهم يكونوا جذابين بشكل مش مبالغ فيه.
2. تعدل معلومات الصفحة وتكتب نبذة عن اللي بتقدمه وأكيد لازم تكون بأسلوب جذاب وبسيط
3. تحدد موقعك الجغرافي وساعات العمل وممكن تضيف أسعار المنتج أو الخدمة على صفحتك.

من ضمن الحاجات الأسياسية اللي لازم تضفها على صفحتك هو زرار Call to Action زي زي زرار تواصل معانا أو ابعت رسالة وغيرهم. ده بيسهل على العميل انه يتواصل معاك ويعمل المطلوب منه بشكل سلس وسهل بدون مايدور كتير.

حاجة كمان مهمة ألا وهي انك تستخدم الـ (Facebook Chatbot) على صفحتك، ده مهمته انه يرد على رسايل العملاء في اسرع وقت ممكن بدون ما يضطروا يستنوا الرد كتير. حدد رسايل مناسبة لأغلب الأسئلة اللي عملائك ممكن يسألوها بحيث إنك تفضل متفاعل مع عملائك حتى في غير أوقات العمل.

إيه هي أهم استراتيجيات التسويق على الفيسبوك؟

في استراتيجيات كتير مهم تستخدمها على الفيسبوك عشان تسوق كويس لنشاطك التجاري، منهم:

حدد أهدافك

إنك تحدد أهدافك الذكية على الفيسبوك، يعني تحدد التارجت بتاعك في خلال مدة زمنية محددة وبأهداف واضحة وواقعية، ويكون في أدوات تقدر تقيس بيها مدى نجاحها، والجزء ده بتقدمه بعض الأدوات على Facebook. طبيعي عشان تقدر تحدد أهدافك مهم تعرف مين هم الأشخاص اللي بتستهدفها خطتك التسويقية، وده بيكون من خلال تحليل (Buyer Persona).

اختار وقت مناسب لنشر المحتوى

اختار الوقت المناسب لبوستاتك، وده طبعًا تقدر تعرفه من خلال الـ Insights هتقدر تعرف متوسط الوقت اللي بيكون فيه متابعينك أونلاين، يعني مثلًا لو بتخطط إنك تنزل 3 بوستات، فإنت بتشوف أحسن الساعات اللي تنشر فيها بوستاتك وتحددها.

استثمر في اعلان

دلوقتي إنك تعتمد على التفاعل الـOrganic على الفيسبوك بقى أصعب من الأول لأن سياسة الفيسبوك بقت بتعتمد أكتر على الإعلانات المدفوعة، ورغم كده إلا إن نتايج الإعلانات كويسة جدًا، كل اللي أنت محتاجه تستهدف عملائك صح، تكتب محتوى جذاب وكويس وتعمل الإعلان، وبعدين هحلل نتايج الإعلان من خلال الـ (Facebook Ad).

 استراتيجيات التسويق الفعالة في فيسبوك

في أنواع كتير من الإعلانات ومش كلها بتؤدي لنفس النتيجة ومن ضمنهم:

1. Facebook Page Engagement: ودي إعلانات بتزود من اللايكات والتعليقات والمشاركات ومشاهدات الفيديوعلى صفحتك.
2. Facebook Page Likes: إعلانات بتزود من الإعجاب بصفحتك على الفيسبوك نفسها.
3. Clicks to Website: ودي إعلانات خاصة أكتر بالمواقع الإلكترونية وهدفها إنها تشجع العملاء على زيارة موقعك الإلكتروني.
4. Website Conversions: إعلانات مهمتها إنها تروج لإجراءات معينة على موقعك الالكتروني زي مثلًا إنه يشتري منتج معين.
5. App Installs: لوعندك تطبيق فالإعلانات دي مناسبة ليك، وده لأنها إعلانات لتشجيع الأشخاص على تثبيت تطبيقك.
6. App Engagement: دي إعلانات مهتمة بالتطبيقات برده، بستخدمها عشان تزود من التفاعل على تطبيقك.
7. Event Responses: لو عامل إيفنت وعايز تروج ليه يبقى النوع ده من الإعلانات هيناسبك.
8. Offer Claims: وأخيرًا دي إعلانات مناسبة للعروض اللي انت عملتها على منتجاتك.

استغل موقعك صح

لو عندك موقع بتنزل عليه الخدمات اللي بتقدمها ممكن تحول الـ Traffic منه على صفحتك على الفيسبوك من خلال إضافتك للينكات منصات التواصل الاجتماعي اللي بتستخدمها عليه زي الفيسبوك وأنستغرام وتويتر وغيرهم من المنصات وده هيحسن من تواصل عملائك معاك.

اهتم بالمحتوى

المحتوى شيء أساسي ومهم فلازم تكتبه كويس وبطريقة جذابة لعملائك، والمحتوى مش لازم يكون عن البراند الخاصة بيك بس، لازم تضيف محتوى تعليمي وترفيهي لعملائك بحيث تضيف قيمة أكتر للي أنت بتقدمه. ركز أنك تضيف صور وفيديوهات لأنهم من المحتويات اللي بتجذب الناس عمومًا وبتزود تفاعلهم عليها.

اهتم بالمجموعات

ابني مجتمع خاص بعملائك أو مجتمع يفيد الأشخاص اللي مهتمين بالخدمة اللي بتقدمها عن طريق إنك تنشيء جروب وتربطه بصفحتك على الفيسبوك. انضم لمجموعات وصفحات مهتمة بالخدمة اللي بتقدمها بحيث تقدر تتواصل أكتر مع عملاء محتملين وتعرف أكترعنهم.

تابع تفاعلات عملائك

اهتم جدًا بمتابعة تعليقات عملائك والرد عليها بطريقة مناسبة ، لأن بالنسبالهم دي الطريقة اللي بتظهر اهتمامك بيهم، ودايمًا قيس نتايج الجهد اللي بتعمله عن طريق التفاعل زي الليك والكومنتات وغيرها من النتايج على الفيسبوك.

نصايح ممكن تستغلها في استراتيجيتك الجديدة على فيسبوك

واخيرًا، خلينا نوفرلك شوية نصايح من خبارء المجال عشان تستغلها في استراتيجيتك الجديدة لو عايز نتايج أحسن على فيسبوك!

1. خليك فاكر انه من المفضل دايمًا انه يكون عندك موقع الكتروني لإنه هيفيدك بشكل كبير في زيادة مبيعاتك سواء كان عملائك هيشتروا من منتجاتك عن طريقه أو يعرفوا أكتر عن خدماتك منه. ماتنساش توفر لينكات السوشيال ميديا على الموقع عشان يوجه عملائك للمنصات دي والعكس صحيح.
2. لو بتستخدم الإيميل في التسويق، هيكون من الأفضل إنك تسيب لينك للـ Page بتاعتك على الفيسبوك في التوقيع آخر الصفحة، ده هيزود من زوار الـPage  بتاعتك.
3. لو مكنش عندك Page على الفيسبوك وبقى عندك، إبعت إيميل لعملائك عرفهم بيها وشجعهم يزوروها، ومن أفضل الأدوات اللي تقدر تستخدمها MailChimp و Aweber.
4. لو عندك متجر إلكتروني، سوق لحسابات التواصل الاجتماعي بتاعتك عليه، دي واحدة من الطرق الفعالة جدًا.
5. اختار الوقت المناسب لبوستاتك، وده طبعًا تقدر تعرفه من خلال الـ Insights هتقدر تعرف متوسط الوقت اللي بيكون فيه متابعينك أونلاين، مش مهم تنزل بوستات كتير لو مش هتتشاف بالشكل الكافي من عملائك.
6. ممكن تكون مش عارف أهمية إعلانات الفيسبوك، بس خلينا نقولك إن الفوائد والمكسب اللي يجيلك من ورا الفيسبوك كتير جدًا خصوصًا لو لسه بيزنس صغير أو Start-up، بس طبعًا حسب إعلانك وجودته واستهدافك لعملائك، والاعلانات مبتكونش غالية زي مانت فاكر، وطبعًا النتايج والتحليلات والإحصاءات هتفيدك بشكل كبير. 
7. انت تعرف كمان إن مقابل 5 دولارات في اليوم تقدر تعمل إعلان فيسبوك، وبفضل المميزات الرائعة وخيارات الاستهداف هتقدر توصل لعملائك المهتمين فعلًا بمنتجك، وفي أماكن محددة ونطاق عمري معين.

وتلخيصًا، عشان تحقق النجاح في استراتيجيات التسويق على فيسبوك، إتأكد من إن المحتوى يكون ممتاز وفعال، وإن الأهداف تكون واضحة وواقعية، وأكيد إختيارك للجمهور المناسب. اعمل Research  كويس، صمم محتوي فعال ومبدع، استهدف صح!

لو عايز تحسن من استراتجيتك على الفيسبوك!  تواصل معانا وأعرف أكتر عن خدامات S&M Solution في مجال السوشيال ميديا.

اقرأ المزيد

سبع تريندات على السوشيال ميديا في 2021!
8 إعلانات مختلفة على سناب شات!