ليه لازم تستخدم الفسيبوك في التسويق لنشاطك التجاري سواء كان خدمة أو منتج؟

وده ببساطة لأن الفسيبوك بيستخدمه أكتر من  2.8 مليون شخص حول العالم، وبالإضافة أنه فيه مميزات كتيرة فعشان كده من المهم إنك تستخدمه في التسويق.

طيب إزاي استخدم الفسيبوك صح في التسويق لمنتجي؟

أولًا لازم تهتم بالتفاصيل دي على صفحتك على الفسيبوك وتركز فيهم ومن ضمنهم:

– إن غلاف الصفحة وصورة البروفايل يكونوا مناسبين للصناعة اللي بتشتغل فيها ويكونوا جذابين وبتصميم كويس وده لأنهم أول حاجة بتظهر لما عميلك المحتمل يدخل

على صفحتك.

– تعدل معلومات الصفحة وتكتب نبذة عن اللي بتقدمه وأكيد لازم تكون بأسلوب جذاب، كمان تحدد موقعك الجغرافي وساعات العمل وممكن تضيف أسعار المنتج أو الخدمة على صفحتك.

– من ضمن الحاجات الأسياسية اللي لازم تضفها على صفحتك هو زرار

) زي زرار تواصل معانا أو ابعت رسالة وغيرهم.      Call to action(

-استخدم الـ   (Facebook Chatbot) على صفحتك، وحدد رسايل مناسبة لأغلب الأسئلة اللي عملائك ممكن يسألوها بحيث إنك تفضل متفاعل مع عملائك حتى في غير أوقات العمل.

إيه هي أهم استراتيجيات التسويق على الفسيبوك؟

في استراتيجيات كتير مهم تستخدمها على الفسيبوك عشان تسوق كويس لنشاطك التجاري زي

• إنك تحدد أهدافك الذكية على الفسيبوك، يعني تحدد التارجت بتاعك في خلال مدة زمنية محددة وبأهداف واضحة وواقعية، ويكون في أدوات تقدر تقيس بيها مدى نجاحها، والجزء ده بتقدمه بعض الأدوات على Facebook.

• طبيعي عشان تقدر تحدد أهدافك مهم تعرف مين هم الأشخاص اللي بتستهدفها خطتك التسويقية، وده بيكون من خلال تحليل (Buyer Persona).

• اختار الوقت المناسب لبوستاتك، وده طبعًا تقدر تعرفه من خلال الـ Insights هتقدر تعرف متوسط الوقت اللي بيكون فيه متابعينك أونلاين، يعني مثلًا لو بتخطط إنك تنزل 3 بوستات، فإنت بتشوف أحسن الساعات اللي تنشر فيها بوستاتك وتحددها.

• دلوقتي إنك تعتمد على التفاعل الـOrganic على الفسيبوك بقى أصعب من الأول لأن سياسة الفسيبوك بقت بتعتمد أكتر على الإعلانات المدفوعة، ورغم كده إلا إن نتايج الإعلانات كويسة جدًا، كل اللي أنت محتاجه تستهدف عملائك صح، تكتب محتوى جذاب وكويس وتعمل الإعلان، وبعدين هحلل نتايج الإعلان من خلال الـ (Facebook Ad).

في أنواع كتير من الإعلانات ومش كلها بتؤدي لنفس النتيجة ومن ضمنهم:

• Facebook Page Engagement: ودي إعلانات بتزود من اللايكات والتعليقات والمشاركات ومشاهدات الفيديوعلى صفحتك.

• Facebook Page Likes: إعلانات بتزود من الإعجاب بصفحتك على الفيسبوك نفسها.

• Clicks to Website: ودي إعلانات خاصة أكتر بالمواقع الإلكترونية وهدفها إنها تشجع العملاء على زيارة موقعك الإلكتروني.

• Website Conversions: إعلانات مهمتها إنها تروج لإجراءات معينة على موقعك الالكتروني زي مثلًا إنه يشتري منتج معين.

• App Installs: لوعندك تطبيق فالإعلانات دي مناسبة ليك، وده لأنها إعلانات لتشجيع الأشخاص على تثبيت تطبيقك.

• App Engagement: دي إعلانات مهتمة بالتطبيقات برده، بستخدمها عشان تزود من التفاعل على تطبيقك.

• Event Responses: لو عامل إيفنت وعايز تروج ليه يبقى النوع ده من الإعلانات هيناسبك.

• Offer Claims: وأخيرًا دي إعلانات مناسبة للعروض اللي انت عملتها.

• لو عندك موقع بتنزل عليه الخدمات اللي بتقدمها ممكن تحول الـ Traffic منه على صفحتك على الفسيبوك من خلال إضافتك للينكات منصات التواصل الاجتماعي اللي بتستخدمها عليه زي الفسيبوك وأنستغرام  وغيرهم من المنصات وده هيحسن من تواصل عملائك معاك.

• المحتوى شيء أساسي ومهم فلازم تكتبه كويس وبطريقة جذابة لعملائك، والمحتوى مش لازم يكون عن البراند الخاصة بيك بس، لازم تضيف محتوى تعليمي وترفيهي لعملائك بحيث تضيف قيمة أكتر للي أنت بتقدمه.

• ركز أنك تضيف صور وفيديوهات لأنهم من المحتويات اللي بتجذب الناس عمومًا وبتزود تفاعلهم عليها.

• ابني مجتمع خاص بعملائك أو مجتمع يفيد الأشخاص اللي مهتمين بالخدمة اللي بتقدمها عن طريق إنك تنشيء جروب وتربطه بصفحتك على الفسيبوك.

• انضم لمجموعات وصفحات مهتمة بالخدمة اللي بتقدمها بحيث تقدر تتواصل أكتر مع عملاء محتملين وتعرف أكترعنهم.

• اهتم جدًا بمتابعة تعليقات عملائك والرد عليها بطريقة مناسبة ، لأن بالنسبالهم دي الطريقة اللي بتظهر اهتمامك بيهم.

• دايمًا قيس نتايج الجهد اللي بتعمله عن طريق التفاعل زي الليك والكومنتات وغيرها من النتايج على الفسيبوك.

لو عايز تحسن من استراتجيتك على الفسيبوك!  تواصل معانا وأعرف أكتر عن خدامات S&M Solution في مجال السوشيال ميديا.

اقرأ المزيد

سبع تريندات على السوشيال ميديا في 2021!
8 إعلانات مختلفة على سناب شات!