كصاحب نشاط تجاري فأنت دايمًا بدورعلى استراتيجية فعالة عشان تزود من عائد الاستثمار الخاص بشغلك، وحاليًا استخدام استراتيجية يعني تحسين محركات البحث من أفضل الاستراتيجيات التسويقية والأونلاين في السوق!   (SEO)

أغلب الناس بتستخدم بحث جوجل يوميًا، يعني مثلًا لما تحب تعرف معلومة أو تشتري منتج، أول حاجة بتعملها بتفتح جوجل!

على سبيل المثال في مجموعة أصدقاء مسافرين بلد غريبة وعاوزين ياكلوا!  فبيبحثوا على جوجل عن الأكل أوالمطاعم القريبة منهم، وبيلاقوا أماكن مختلفة للأكل، وهنا بتيجي أهمية تحسين محركات البحث.

تقريبًا 75% من محتوى الإنترنت موجود على محرك جوجل للبحث، وجوجل نفسه عليه كمية كبيرة من المحتوى اللي بيُرفع يوميًا عليه، فمع كل المحتوى الموجود تطوريك لمحركات البحث الخاصة بموقعك هتساعد إن موقعك يظهر للعملاء المحتملين اللي محتواك بيستهدفهم من الأساس.

 إنك تحسن من نتايج موقعك مش بيعتمد فقط على طول المحتوى زي ما الغالب بيفتكر، غير كده إلا إنه كمان بيركز على جودة المحتوى ووجود الكلمات المفتاحية المناسبة للمحتوى نفسه ومدى جودته، في النهاية أنت محتاج تحسن من استراتيجيتك عشان تظهر في الصفحة الأولى من نتايج البحث على جوجل.

طيب ايه هو SEO وازاي اطوره عشان يفيد البيزنس بتاعي؟

ايه هو السيو (SEO)؟

SEO هو اختصار لـ Search Engine Optimization. ده فن وعلم إقناع محركات البحث المختلفة زي Google و Bing و Yahoo إنها تمنحك تصنيفات احسن لمحركات البحث وتروج للمحتوى الخاص بيك كأفضل إجابة لمشاكل المستهلكين.

الناس بتستخدم Google طول الوقت في البحث عن المعلومات ، وفي ثلاثة أنواع من الاستعلامات اللي بيقوم بيها الناس عادةً لما بيتخدموا أي محرك بحث ؛ إما معلوماتية او ملاحية او معاملات.

الاستعلام المعلوماتي زي أن شخص ما عايش في بلد تاني وبيدور على مطعم عشان يشتري الاكل ؛ بمجرد بداية البحث ، ممكن يلاقي الأماكن المختلفة اللي ممكن منها يشتري الاكل.

في الآلاف من نتايج البحث على Google كل يوم. لو مش كفاية بالنسبالك إن تحافظ على مركزك في صفحة جوجل وعايز تحصل على مراكز منافسيك كمان ، فالحل البسيط هو تحسين استراتيجيتك لتحسين نتايج محركات البحث لموقعك على الويب.

ازاي السيو بيشتغل؟

عشان نفهم كيفية عمل مُحسّنات محرّكات البحث لمعظم خوارزمية محركات البحث ، هنحتاج نفهم آلية عمل محركات البحث دي. لحسن الحظ ، مش صعب نفهم الآلية دي لو ركزنا على فهم 3 مجالات رئيسية: الجانب التقني ، وجانب المحتوى ، والروابط الخلفية.

الجانب التقني

جودة البنية التحتية التلي بتوزع معلوماتك مهمة جدًا في تحسين محرك البحث التقني. تحسين محركات البحث التقني الكويس معناه إن Google يقدر يحدد بسرعة المحتوى الخاص بموقعك وأنه هيكون من السهل استهلاكها وفهمها.

بس ازاي نحقق ده؟

خلي موقعك سهل الزحف من Google 

كلمة “الزحف” هنا بتشير لعملية الوصول لأي صفحة في موقعك وقراءتها. لازم يكون Google قادر على إنه يوصل إلى صفحاتك ويفهم المحتوى الموجود فيها. لو مقدرش Google إنه يوصل للمحتوى الخاص بيك ، فمش هيبقى قادر يضمنه في نتايج البحث الخاصة بيه.

خليه قابل للفهرسة

Google بيحرص انه يتاكد من أنك عايز تعرض صفحتك للمستخدمي بعد ما يشوفوها. no-index الموجودة في عنوان صفحاتك بتقول لـ Google لو هيعمل تقييم لصفحة معينة لنتايج محرك البحث الخاص بيه أو لا.

خليه سهل التنقل

لازم ترتب موقعك بحيث يبقى سهل للكل يفهم الأقسام والفئات الموجودة فيه، ولازم تخلي من السهل على Google انه يتصفح كل صفحة على موقعك.

Google ممكن يواجه صعوبة في اكتشاف صفحات موقعك اللي مش موجود فيها روابط داخلية تنتقل ليها. حتى لو ده حصل ، فهيعتبرها أقل أهمية من الصفحات اللي فيها الروابط الداخلية.

خلي فيه نسخة متوافقة مع الموبايل

لازم تكون كل صفحة على موقع الويب الخاص بيك متوافقة مع الموبايل. لازم يكون المستخدمين قادرين على استهلاك المحتوى اللي بتقدمه بسهولة على اي جهاز موبايل. Google بيصنف المحتوى الخاص بيك بناءً على مدى أدائه على اجهزة الموبايل ، عشان كدة تنفيذ ده بشكل صح مهم جدا في نتايجك. لحسن الحظ Google بيوفر أداة عشان تختبر مدى مناسبة صفحاتك للموبايل.

المحتوى

لازم يكون عندك عنوان تعريف مناسب بيشرح بوضوح وصراحة اللي بيقدمه محتوى الصفحة للمستخدم. عناوين التعريف والأوصاف التعريفية بتعتبر في الأساس نص تسويقي لازم أنه يجذب المستخدم ويساعد Google انه يفهم سياق كل صفحة والغرض منها بشكل احسن.

العنوان اللي بيشوفه المستخدم لما بيوصل إلى صفحتك ده مؤشر مهم جدًا لمحرك البحث Google. لازم انه يكون ، زي عنوان التعريف ، واضح جدًا ومباشر ، ولازم أنه يتضمن الجمل والكلمات اللي بحث عنها المستخدم في المقام الاول. مرة تانية، دي إشارة مهمة جدًا لـ Google ، وفي نفس الوقت مطمئنة ومفيدة للمستهلك اللي هيزور موقعك.

لازم طبعًا يكون عندك محتوى بكواليتي عالية جدًا بيعالج المشكلات اللي بيواجهها جمهورك وتجاوب على كل الاسئلة اللي ممكن يفكروا فيها. لو كنت بتطلب من Google ان يروج محتواك للمستهلكين ، فلازم يكون له قيمة كبيرة بالنسبة ليهم. وده معناه انك  تقدم معلومات ليها صلة بالموضوع وإجابات مفيدة لمشكلة المستخدم أو استعلامه.

لازم توفر كمان ميديا في المحتوى زي الاوديو والفيديو والصور التوضيحية. Google مايقدرش يستوعب محتوى الصور أو مقاطع الفيديو. عشان كدة لما تستخدم النوع ده من الميديا  اتأكد انك ضفت العلامات الوصفية المناسبة عشان تساعد Google والاشخاص اللي عندهم مشاكل في الرؤية انهم يفهموا موضوع الصورة أو الفيديو.

“الروابط الصادرة” ضرورية كمان لـ Google. الأنواع دي من الروابط بيؤكد دقة معلوماتك وسمعتك وسمعة المؤلف اللي كاتب المحتوى. 

ممكن تحسن محتوى صفحاتك باستخدام أدوات سهلة زي Google Search Console مثلًا واللي بتديلك رؤى واحصائيات عن صفحتك وازاي تقدر تحسن تصنيفاتك.

الروابط الخلفية

بناء الروابط الخلفية حاجة مهمة جدًا في تحسين محركات البحث. Google بيعرف موثوقيتك وسلطتك في المجال بسبب النوع ده من الروابط.

Google بيشوف الروابط الخلفية من المواقع ذات الصلة والموثوقة زي أن المحتوى الخاص بيك شائع وموثق وجدير بالثقة. كل دي تعتبر مؤشرات مهمة لجوجل أن المحتوى الخاصة بك هو نتيجة قوية لتوصية المستخدمين باستعلامات البحث ذات الصلة.

ازاي احسن من نتايج موقعي على محركات البحث؟

 إنك تحسن من نتايج موقعك مش بيعتمد فقط على طول المحتوى زي ما الغالب بيفتكر، غير كده إلا إنه كمان بيركزعلى جودة المحتوى ووجود الكلمات المفتاحية المناسبة للمحتوى نفسه ومدى جودته، في النهاية أنت محتاج تحسن من استراتيجيتك عشان تظهر في الصفحة الأولى من نتايج البحث على جوجل.

 

في سبع أسباب هتشجعك إنك تطور من (SEO) الخاص بموقعك وهما:

تحسين البحث الطبيعي “organic search“

لما تشتغل على SEO الخاص بموقعك وتحسن من المحتوى وتختار الكلمات المفتاحية المناسبة، وتهتم بوجود مصادر لمحتوى موقعك كل ده بيحسن ظهور موقعك في نتايج البحث الطبيعية، وبالتالي هيزود من التفاعل على موقعك.

تطوير تجربة المستخدم User Experience

تحسين محركات البحث طريقة من طرق كتير بتشكل دور فعال في إنها تطورمن تجربة المستخدم على موقعك، وكل لما مدة وجوده على موقعك تزيد ده بيظهر لمحرك جوجل إن المحتوى كويس وبالتالي الترتيب بتاع موقعك يزيد والتفاعل عليه يزيد.

بتزود من الوعي الخاص بالبراند بتاعتك

SEO بيضمن إن موقعك يظهر بسرعة ويكون مألوف أكتر للناس اللي بتبحث على الإنترنت بكلمات أنت مستخدمها في محتوى موقعك!

بترفع من ثقة عملائك بالبراند الخاصة بيك

أغلب الناس لما بتبحث على جوجل بتختار أول تلت نتايج في البحث، فلما تكون من ضمن النتايج دي الناس هتثق فيك أكتر وهتقرر تتعامل معاك.

استراتيجية (SEO) مش غالية!

على عكس المتوقع، فاستراتيجية تحسين محركات البحث مش غالية على عكس استخدام الإعلانات، إلا لو هتعين شخص محترف مسئول عن تطوير وتحسين المحتوى الخاص بيك.

بتزود تفاعل العملاء المحليين

وقت لما تضيف موقعك الجغرافي على جوجل، هتظهر كنتايج بحث لمستخدمين الإنترنت القريبين منك، وده هيحسن من تواصلهم معاك ومن مبيعاتك بعدين، لأنك أقرب ليهم وبالتالي الأمن في التعامل.

استراتيجية طويلة المدى

على عكس الإعلانات فتحسين محركات البحث مش هتظهر نتايجه بين يوم وليلة بالعكس بياخد وقت، لكن تأثيره ممكن يستمر لسنوات طويلة، لكنه زي كل حاجة محتاج مجهود ومتابعة مستمرة عشان تحافظ على ثبات ترتيب الموقع على جوجل.

لو الأسباب دي شجعتك إنك تحسن من استراتيجية الـ SEO لموقعك،

تواصل معانا دلوقتي.. وأعرف أكتر عن خدمات الـSEO

اللي بنقدمها في S&M Solutions.

اقرأ المزيد: 

سبع تريندات على السوشيال ميديا في 2021!
8 إعلانات مختلفة على سناب شات!

Subscribe to get 15% discount