Question? Call Us – Mobile: +201550493628
Question? Call Us – Mobile: +201550493628
(سناب شات – Snapchat )
سناب شات (Snapchat) هو من أشهر منصات السوشيال ميديا، وبيضم ما يقرب من 218 مليون مستخدم نشط يوميًا، وعلى الرغم إن الفسيبوك وأنستغرام عليهم مستخدمين أكتر من سناب شات إلا إنه منصة جيدة إنك تعمل عليها إعلان وتستهدف فئة جديدة وبالأخص لو فئة عمرية صغيرة لأن أعمار المستخدمين عليه بتكون من سن 34 فيما أقل.
بالإضافة إلى قاعدة المستخدمين الكبيرة على سناب شات، فمعدلات المشاركة كمان كبيرة. الاحصائيات بتثبت إن الشخص ممكن يفتح الابلكيشن 30 مرة يوميًا في المتوسط ، لمدة 30 دقيقة على الأقل ، وبيستخدمه أكثر من 75 بالمائة من الأشخاص اللي تتراوح أعمارهم بين 13 و 34 سنة في أمريكا.
كل يوم، بينتج مستخدمي سناب شات أكثر من 5 مليارات Snaps! ازاي تضيع فرصة زي دي بدون ما تحاول توصلهم؟
والحقيقة إن الإعلانات على سناب شات كتيرة ومتنوعة على حسب هدفك من الإعلان، ورغم كده إلا إنه مش مناسب لكل البرندات، لكن من خلال المقال هتتعرف أكترعلى أنواع الإعلانات على سناب شات وفايدتها، وبعدها هتقرر إذا كانت مناسبة للبيزنس بتاعك ولا لأ!
عند Snapchat شعبية كبيرة وسط اتنين من أقوى الاجيال على الإطلاق؛ جيل الألفية وجيل Gen Z! هتكون محظوظ جدًا لو وقعوا في ديموغرافياتك لإن التأثير عليهم عمره ما كان أسهل من النهاردة.
بين الجيلين دول، تمتلك Snapchat حوالي تريليون دولار من القوة الشرائية المباشرة. نظرًا لأن ثلث المستهلكين بيميلوا أكتر لإجراء عمليات شراء على التطبيق، وده سبب كافي إن المنصة دي تستحق المزيد من الاهتمام.
في حين أن التسويق عن طريق Instagram بيتمتع بمدى أكبر، نظرًا لإن أكثر من 500 مليون شخص بيشوفوا القصص (stories) كل يوم ، فإن الإعلان على شبكة اجتماعية أصغر زي Snapchat لسة بيتمتع بمميزات كتير.
ممكن يكون الإعلان على منصات معروفة مثل Facebook أو Instagram أكثر من حيث التكلفة المدفوعة. فلازم تتنافس مع العلامات التجارية المختلفة عشان تقدر تجذب انتباه المستهلك.
من المتوقع ان دخل إعلانات Snapchat يوصل إلى 2.62 مليار دولار بنهاية سنة 2021 ، كمان من المتوقع ان دخل Instagram يوصل إلى 18.16 مليار دولار.
من الكلام ده نقدر نستنتج إن Snapchat منصة عندها القدرة فعلًا إنها تكون وسيلة إعلانية مميزة جدًا ولسة مش كل الشركات عرفت تكتشف ازاي تستخدمها صح.
سناب شات بتمكنك من استهداف المستخدمين بناءً على التركيبة السكانية بتاعتهم باستخدام بيانات Snapchat. تقدر تستهدف الأشخاص بناءً على اهتماماتهم وتصرفاتهم سواء عبر الإنترنت (اون لاين) أو في الحياة الواقعية. استخدام بياناتك الخاصة لاستهداف مستخدمي Snapchat هو احتمال تاني ناجح.
الشركات اللي بتحاول تستهدف الفئات الاصغر عمرًا بتفكر ازاي تستخدم Snapchat صح، بحيث بتقل أعمار 84٪ من المستخدمين عن 35 سنة. بالإضافة إلى كدة، فإن 70٪ من مستخدمي Snapchat هم من السيدات. نتيجة لكدة، فممكن تستغل ده في صالحك. لو كانت منتجاتك أو خدماتك مش مفضلة من الشباب او السيدات ، فممكن يكون سناب شات مش هو الخيار المناسب ليك.
إعلانات Snapchat اظهرت فعاليتها في مجال البيع بالتجزئة. من المرجح إن مستخدمي Snapchat بنسبة 60٪ بيشتروا في نفس اللحظة اللي بيشوفوا فيها الإعلان، و 46٪ منهم بيبعتوا الرسايل للشركات بعد إتمام عملية الشراء.المنصة كمان بتدعم عناصر AR تفاعلية زي “تجربة” افتراضية بتمكن المشاهدين من اختبار المنتجات زي مستحضرات التجميل والميك اب.
Snapchat كمان عندها شراكة مع Amazon. لما المستخدم بيشوف منتج يحبه ، فمطلوب منه بس يوجه الكاميرا بتاعته إلى الباركود أو المنتج ويضغط لفترة طويلة على شاشة الكاميرا، هيعرض Snapchat بعد كدة بطاقة فيها لينك للعنصر الموجود على Amazon. المنصة قدرت تطور واحدة من أسرع طرق الشراء على الإنترنت وده اللي خلاها رائدة في التجارة الإلكترونية للواقع المعزز.
اعرف ازاي نستخدم إعلانات Snapchat بسرعة بقت مهارة مفيش غنى عنها للتسويق على السوشيال ميديا بالنسبة لشركات التجارة والبيع بالتجزئة. لو كنت عايز تحصل على على تفاعل اكتر على حساب Snapchat الخاص بيك، فشبه المؤكد أنك هتضطر تدفع عشان ده يتم بنجاح.
دي ليست بأنواع إعلانات Snapchat اللي ممكن تستخدمها في 2021. لما بتنجح في التعرف على الأنواع المختلفة من الاعلانات، ده بيوفر عندك مجموعة كبيرة من الأفكار عن كيفية استخدام كل نوع منها لصالح اعمالك.
وده الإعلان الأساسي على سناب شات، ومن خلاله ممكن تعرض محتوى واحد سواء صورة أو فيديو لمتابعينك، وببساطة ممكن تستخدم الإعلان عشان تزود الـBrand awareness للمنتج بتاعك أو حتى تروج لإيفنت أو عرض معين بتقدمه.
وده بيعرض محتوى واحد برده ولكن ممكن تضيف زرار Call To Action، وحتى لما تضيف لينك الموقع بتاعك لما يضغطوا على اللينك هيوصلوا للموقع على طول، وده هيزود التفاعل على موقعك، كمان ممكن تستخدم الإعلان ده عشان تعرف متابعينك على البراند بتاعتك.
بيتيح ليك الإعلان ده إنك تضيف لينك التطبيق اللي عايز تروج ليه وتزود من عدد تحميلاته، ببساطة ضيف اللينك ولما يضغط المستخدمين على “Install now” هينزل على الموبايل مباشرةً في الخلفية من غير ما يخرجوا من السناب شات!
هنا الإعلان هيساعدك إنك ترجع المتابعين لتطبيقك تاني لو خرجوا منه، عن طريق إنك تضيف صور وفيدوهات تجذب انتباههم لتطبيق تاني.
الإعلان هنا بيركز أكترعلى المحتوى الطويل زي الفيديوهات الدعائية للأفلام والألعاب من خلال إنه بيعرض فيديو تشويقي لمدة 10 ثواني، ولو حد من المتابعين عايز يكمل الفيديو ممكن يمرر الشاشة لفوق.
ممكن تضيف للإعلان الخاص بيك فلتر (filters) مميزة تظهر للمتابعين وقت لما يشوفوها.
المميز في النوع ده من الإعلانات إنه محدد بالنطاق الجغرافي، يعني ممكن تحدد الوقت والمكان ونوع الفلتر اللي حابب يظهر لمتابعين معينين أنت مستهدفهم، وده نوع من الإعلانات محدد أكتر، يعني لو عندك إيفنت في مدينة أو منطقة معينة وعايز تعرف الناس اللي فيها بوجود الإيفنت ده، فهيكون (Geofilters) أكتر إعلان يناسبك.
خاصية الـ Lenses هي خاصية من خواص (الواقع المعزز- Augmented Reality) واللي بتسمح لمستخدمين السناب شات في إنهم يعملوا تغيير لطيف وممتع على وجوههم وعلى الأشياء حوليهم، لكن ممكن تستخدمها في الترويج لمنتجك وتصمم Lenses تدعم وتروج للبراند الخاصة بيك.
كل دي أنواع مختلفة من الإعلانات ممكن تستغلها في الترويج للبراند الخاصة بيك، سناب شات بيوفر ليك عملاء مختلفين ممكن يكونوا مش موجودين على فسيبوك أو أنستغرام بالإضافة لأنواع مميزة وممتعة من الإعلانات.
ممكن عائدات الإعلانات على سناب شات لا تقارن بعائدات الفسيبوك أو الأنستغرام إلا إنها محاولة كويسة إنك تجرب منصة جديدة وليها متابعين كتير، ومتنساش أن كل يوم فيه جديد في عالم السوشيال ميديا!
بتبدأ تكلفة تشغيل الإعلانات على Snapchat من 5 دولارات في اليوم الواحد. ممكن المعلنين يعملوا ميزانية يومية وممتدة تناسبهم ويغيروها حسب الحاجة. Snapchat بيوفر أدوات زي Snap Publisher اللي بتتيح ليك تصميم الإعلانات وتعديلها في دقائق قليلة جدًا.
سناب شات بيوفر عروض أسعار معتمدة على الهدف اللي بتعمل عشانه الإعلان الخاص بشركتك، ده بيسمح ليك بتخصيص الحملة اللي بتعملها لإجراء معين بيقوم به مستخدمين Snapchat ، زي إجراء عملية شراء أو تنزيل تطبيقات معينة.
بتختلف تكلفة إعلانات Snapchat بناءً على مجموعة عوامل، بما فيها:
أخيرًا ، ممكن تستخدم الكتير من الإعلانات المختلفة في تسويق البيزنس بتاعك ؛ Snapchat بيوفر لك شرايح جمهور جديدة، ممكن جدًا ماتقدرش توصلها عن طريق Facebook أو Instagram.
لا يمكننا مقارنة عائدات الإعلانات على Facebook و Instagram مع Snapchat ، لكنها تجربة منعشة أن يكون لك حضور في مثل هذه المنصات الجذابة للشبكات الاجتماعية ؛ بعد كل شيء ، هناك دائمًا تحديثات جديدة على وسائل التواصل الاجتماعي ، من يدري!
S&M Solutionممكن تساعدك في تطوير استراتيجية إعلاناتك على سناب شات، تواصل معانا دلوقتي وأعرف أكتر عن خدامتنا.
